ახალციხის ბიბლიოთეკაში ბავშვთა დაცვის დღე აღნიშნეს

ღონისძიება საბავშვო ბიბლიოთეკამ ჩაატარა. სხვადასხვა ნომრები ბიბლიოთეკის მკითხველებმა წარადგინეს. საღამოში მონაწილეობდა კულტურის სახლთან არსებული ფანდურის წრეც.

„შევარჩიეთ სოციალურად დაუცველი და ობოლი ბავშვები, ასევე აქტიური მკითხველები“,– ამბობს კულტურის დაწესებულებათა გაერთიანების დირექტორი ზაიარა კელაპტრიშვილი.

ღონისძიების დასასრულს 30 ბავშვს საჩუქრად საქართველოს ისტორიის ილუსტრირებული წიგნი „ომი და მეომრები“ გადაეცა.

დღის დასასრულს მონაწილე ბავშვებმა წებოვან ფურცლებზე საკუთარი სურვილები ჩამოწერეს, ფერად საჰაერო ბურთებს მიამაგრეს და ცაში გაუშვეს.









[მარიამ ბარძიმაძე, ახალციხე]