დისკუსია მწერლებთან, გამოფენები და პრეზენტაციები – შეხვედრა ახალაქალაქში

შეხვედრა დაგეგმილია პროექტის, „მრავალფეროვანი საქართველო“ ფარგლებში. პროექტი, საქართველოს კულტურისა და ძეგლთა დაცვის სამინისტროს ხელშეწყობითა და სსიპ გიორგი ლეონიძის სახელობის ქართული ლიტერატურის მუზეუმის ინიციატივით, ეთნიკური უმცირესობებით დასახლებულ რეგიონებში ხორციელდება.

ღონისძიების ფარგლებში გაიმართება ახალი ქართული მოკლემეტრაჟიანი ფილმების ჩვენება; ასევე, გაზეთ „ლიტერატურული მესხეთის“ მთავარი რედაქტორის ავთანდილ ბერიძის ინიციატივით და საქართველოს კულტურისა და ძეგლთა დაცვის სამინისტროს ხელშეწყობით გამოცემული წიგნის „მესხური ფოლკლორი“ პრეზენტაცია.

გარდა ამისა, მოეწყობა სხვადასხვა სახის გამოფენები ადგილობრივი ხელოვანების მონაწილეობით, ვანო სარაჯიშვილის სახელობის თბილისის კონსერვატორიის ბენდის კონცერტი კონსერვატორის რექტორის მუსიკოს რეზო კიკნაძის ხელმძღვანელობით. ღონისძიების დასასრულს კი ახალქალაქის სკოლებს საჩუქრად სამინისტროს ხელშეწყობით გამოცემული წიგნები გადაეცემათ.

პროექტის „მრავალფეროვანი საქართველო“ მიზანია საქართველოში მცხოვრები ეთნიკური უმცირესობების ქვეყნის კულტურულ ცხოვრებაში ინტეგრაციის ხელშეწყობა.

[sknews.ge]