ნინოწმინდაში ადგილობრივები თანამედროვე მწერლებს შეხვდნენ [Photo]

მწერლებმა აუდიტორიას საკუთარ შემოქმედება გააცნეს; საუბარი შეეხო ლიტერატურული პროცესების განვითარების მნიშვნელობას და ეთნოპოლიტიკური კონფლიქტების მოგვარების თვალსაზრისით, კულტურული დიალოგის გაღრმავების დადებით გავლენას; მწერლებმა ადგილობრივ მკითხველებთან დიალოგი გამართეს.

კულტურის სამინისტროს მიერ გავრცელებული ინფორმაციით, ღონისძიების ფარგლებში, ასევე მოეწყო: საქართველოს კულტურისა და ძეგლთა დაცვის სამინისტროს ხელშეწყობით გამოცემული წიგნის "მესხური ფოლკლორი", აგრეთვე "ქართული წიგნის ეროვნული ცენტრისა" და "მწერალთა სახლის" მიერ გამოცემული თარგმანების, მათ შორის სომხურ ენაზე ნათარგმნი ქართველი მწერლების ნაწარმოებების პრეზენტაციები; ახალი მოკლემეტრაჟიანი მხატვრული ფილმების ჩვენება და ადგილობრივი ახალგაზრდა მხატვრებისა და ფოტოხელოვანების ნამუშევრების გამოფენა;

ადგილობრივი მოსახლეობა ცნობილი ფოტოხელოვანის, იური მეჩითოვის ლექციასა და გარი დავთიანის საოჯახო თეატრის ხელმძღვანელის, ჟანა დავთიანის მიერ წარმოდგენილ მონო-სპექტაკლსაც დაესწრო; ბენდმა "ქიმერა" კი მათთვის კონცერტი გამართა.

ღონისძიების ფარგლებში, ადგილობრივ სკოლებსა და ბიბლიოთეკებს საჩუქრად გადაეცა სამინისტროს ხელშეწყობით გამოცემული წიგნები.



[sknews.ge]