გიორგი კეკელიძე და ლაშა ბაქრაძე ახალციხეს ესტუმრებიან

7 ივნისს , პროექტ "მრავალფეროვანი საქართველოს" ფარგლებში, ახალციხის ციხეზე მწერალი გიორგი კეკელიძე და ლიტერატურათმცოდნე ლაშა ბაქრაძე ადგილობრივებთან, სტუდენტებთან და უფროსკლასელებთან, საქართველოს დამოუკიდებლობის 100 წლისთავის, ასევე 1918-1921 წლებში ქართული მწერლობისა და ხელოვნების შესახებ ისაუბრებენ. სტუმრები ყურადღებას გაამახვილებენ კულტურული დიალოგის გაღრმავების მნიშვნელობაზე და ინტერაქციის რეჟიმში მკითხველთან დიალოგს გამართავენ.
გარდა ამისა, მოეწყობა სხვადასხვა სახის გამოფენები ადგილობრივი ახლაგარზდა ხელოვანების მონაწილეობით და ქართული მოკლემეტრაჟიანი ფილმების ჩვენება.

პროექტის დასკვნითი ნაწილში შემაჯამებელი კონცერტი გაიმართება, სადაც მონაწილეობას ადგილობრივი შემსრულებლები და ჯგუფი "Under 7" მიიღებენ.

ახალციხის ციხეზე ღონისძიებების განრიგი ასეთი იქნება:

14:30 - 14:50 საათი – ადგილობრივი ხელოვანების ნამუშევრების გამოფენის დათვალიერება;
15:00 - 16:00 საათი – სემინარი თემაზე “ დამოუკიდებლობის 100 წლისთავი“ (ლაშა ბაქრაძე, გიორგი კეკელიძე)
16:00 – 16:30 საათი - მოკლემეტრაჟიანი მხატვრული/ანიმაციური ფილმების ჩვენება;
16:45 – 17:20 საათი - ახალციხის ისტორიის მუზეუმის დათვალიერება;
17:30 - 18:20 საათი - მუსიკოსები - არუთ ჩარუხჩიანი (ვიოლინო) და ტიგრან მგდესიანი (დუდუკი/ საქსოფონი);
18:30 - 19:50 კონცერტი - ჯგუფი "Under 7".

პროექტი "მრავალფეროვანი საქართველო", სსიპ გიორგი ლეონიძის სახელობის ქართული ლიტერატურის მუზეუმის ინიციატივით ხორციელდება. მის ფარგლებში, რიგი ღონისძიებები ეთნიკური უმცირესებობებით დასახლებულ რეგიონებში იმართება. პროექტის მხარდამჭერი საქართველოს კულტურისა და სპორტის სამინისტროა.

[sknews.ge]