ქართველი მწერლები ახალქალაქში შეხვედრას გამართავენ

პროექტის "მრავალფეროვანი საქართველო" ფარგლებში ქართველი მწერლები ახალქალაქს 20 ივლისს ესტუმრებიან. შეხვედრა 18:00 საათზე დაიწყება, რომლის დროსაც, საუბარი კულტურული დიალოგის გაღრმავების მნიშვნელობას შეეხება. მწერლები ინტერაქციის რეჟიმში გამართავენ მკითხველთან დიალოგს.

ღონისძიების ფარგლებში, გაიმართება ცნობილი მთარგმნელისა და პოეტის ანაიდა ბოსტანჯიანის ხსოვნის საღამო; დაგეგმილია კულტურის სამინისტროს მხარდაჭერით გამოცემული წიგნების პრეზენტაცია; ასევე, ადგილობრივი ახლაგარზდა ხელოვანების მონაწილეობით, მოეწყობა სხვადასხვა სახის გამოფენა, დღის ბოლოს კი საქართველოს სომეხთა ეპარქიის „ჰაიარტუნ“ კულტურულ-საგანმანათლებლო და ახალგაზრდული ცენტრისა და ადგილობრივი ახალგაზრდა მუსიკოსების მონაწილეობით კონცერტი გაიმართება.

პროექტ "მრავალფეროვანი საქართველოს" ფარგლებში, რიგი ღონისძიებები ეთნიკური უმცირესებობებით დასახლებულ რეგიონებში ხორციელდება. პროექტის მხარდამჭერი საქართველოს კულტურისა და ძეგლთა დაცვის სამინისტროა.

[sknews.ge]