ახალციხეში, დიდიმამიშვილის ქუჩაზე ფეკალური მასა ამოდის

დიდიმამიშვილის ქუჩაზე მაცხოვრებლები ამბობენ, რომ კანალიზაცია მათ ქუჩაზე სამი დღეა ამოდის და მიმდებარე ტერიტორია ბინძურდება.

„საშინელი სუნია. წყალკანალში როცა ვრეკავ, მოდიან და აკეთებენ, მაგრამ თვე არ გავა, რომ რამდენჯერმე არ გაიჭედოს“, – აცხადებენ დიდიმამიშვილის ქუჩის მაცხოვრებლები.

წყალმომარაგების კომპანიაში განმარტავენ, რომ დაზიანება აღნიშნულ ქუჩაზე 1 საათის წინ დაფიქსირდა და ადგილზე მობილიზებულია კომპანიის ტექნიკური სამსახური.

“განხორციელდება გაწმენდითი სამუშაოები და დაზიანება დღესვე აღმოიფხვრება“, – განგვიმარტეს კომპანიის პრესამსახურში.



[თინათინ ზაზაძე, ახალციხე]