10 დღეა ორბელიანის ქუჩაზე კანალიზაცია ამოდის

ადგილობრივები ამბობენ, რომ ქუჩაზე დაზიანება ორ ადგილასაა.

„წყალი რომ ემატება, გვერდებიდან გამოდის. ძალიან შეწუხებულები ვართ, ბავშვებია არიან, გარეთ უნდათ გამოსვლა“,– ამბობს ორბელიანის ქუჩის მცხოვრები ამალია სესიაშვილი.

ამალია ამბობს, რომ ორი დღის წინ საქართველოს გაერთიანებული წყალმომარაგების კომპანიის სერვისცენტრსაც მიაკითხა: „მითხრეს გავაკეთებთო, თუმცა არავინ მოსულა“.

კომპანიაში „სამხრეთის კარიბჭეს“ განუცხადეს, რომ დაზიანები შესახებ შეტყობინება არ ჰქონდათ.

„თქვენი შეტყობინების საფუძველზე გავატარეთ და ხვალ დილას დავიწყებთ გაკეთებას“, – ამბობს სამცხე ჯავახეთის რეგიონული ფილიალის მენეჯერი ბორის სპანდერაშვილი.








[მარიამ ბარძიმაძე, ახალციხე]