დიდიმამიშვილის ქუჩაზე საკანალიზაციო სისტემა გაწმინდეს

„საქართველოს გაერთიანებული წყალმომარაგების" კომპანიაში განმარტავენ, რომ ქალაქის ცენტრალურ ქუჩაზე ფეკალური მასების ამოსვლა, გზასთან ახლოს მდებარე კორპუსში სარემონტო სამუშაოებმა გამოიწვია.მათი თქმით, გაწმენდის დროს საკანალიზაციო სისტემიდან სამშენებლო ნარჩენები ამოიღეს.

„ინფორმაციის შემოსვლიდან ძალიან მალე პრობლემა მოგვარდა“, – განაცხადა წყალმომარაგების კომპანიის საზოგადოებასთან ურთიერთობის სამსახურის უფროსმა ნინო რამიშვილმა.

შეგახსენებთ, რომ დღეს, 5 მაისს, დილის საათებში საკანალიზაციო სისტემის გაჭედვის გამო ფეკალური მასა დიდიმამიშვილის ქუჩაზე იღვრებოდა.

[თინათინ ზაზაძე, ახალციხე]