განათლების მინისტრის მოადგილე: ახალგაზრდებმა უნდა დაინახონ ეს მეგობრობა

განალთების მინისტრის მოადგილე ლია გიგაური ახალციხეში უძველეს სინაგოგასთან შეკრებილ სტუმრებს მინისტრის სახელით მიესალმა და ღონისძიების მნიშვნელობაზე ისაუბრა.

ლია გიგაურის განცხადებით, დღევანდელი დღე დასტურია იმისა, რომ საქართველოში რელიგიური მრავალფეროვნება მეგობრობის სიძლიერეს ემსახურება: „მაინც განათლებას შევეხები და ვიტყვი, რომ ნებისმიერი ბავშვისთვის, ახალგაზრდისთვის, მნიშვნელოვანია ამ მეგობრობისა და თანადგომის დანახვა. დარწმუნებული ვარ, რომ ეს საინაგოგა იქნება ტაძარი, რომელიც გამოყენებული იქნება, ასევე, საგანმანათლებლო მიზნებისთვისაც ისტორიულ კონტექსტში“.

შეგახსენებთ, რომ ახალციხეში ერთერთი უძველესი სინაგოგის იუბილესადმი მიძღვნილი ღონისძიებები 14:საათზე სინაგოგაში შუადღის ლოცვით დაიწყო. საიუბილეო ღონისძიებებს არაერთ ადგილობრივ სტუმართან ერთად, ებრაული დელეგაციები, მინისტრთა კაბინეტი და სხადასხვა რელიგიური კონფესიების წარმომადგენლები სტუმრობენ.

[sknews.ge]