ნოდარ ხადური: ქართველი და ებრაელი ერის მეგობრობა კიდევ უფრო განმტკიცდება

სინაგოგის დაარსების 275 და განახლების 153 წლის იუბილეზე მყოფმა ფინანსთა მინისტრმა ღონისძიების ორგანიზატორებს მადლობა გადაუხადა და შეკრებილ სტუმრებს დღევანდელი დღე მიულოცა.

„უდაოდ მნიშვნელოვანი დღეა. ქართველთა და ებრაელთა მეგობრობა 26 საუკუნეს ითვლის, სწორედ ეს არის ერთერთი მნიშვნელოვანი ნიმუში ამ მეგობრობის. ერთ–ერთ უძველეს ქალაქში, ახალციხეში არის უძველესი სალოცავი ებრაელთა თემის. დღევანდელ დღეს ვულოცავ ებრაელებს და ქართველებს და დარწმუნებული ვერ ეს მეგობრობა კიდევ უფრო განმტკიცდება“, – განაცხადა ნოდარ ხადურმა.

შეგახსენებთ, რომ ახალციხეში ერთერთი უძველესი სინაგოგის იუბილესადმი მიძღვნილი ღონისძიებები 14:საათზე სინაგოგაში შუადღის ლოცვით დაიწყო. საიუბილეო ღონისძიებებს არაერთ ადგილობრივ სტუმართან ერთად, ებრაული დელეგაციები, მინისტრთა კაბინეტი და სხადასხვა რელიგიური კონფესიების წარმომადგენლები სტუმრობენ.

[თინათინ ზაზაძე, ახალციხე]