სინაგოგის იუბილეს აღნიშვნა კონცერტით დასრულდა

თემურ წიკლაურის, ჯემალ სეფიაშვილის, თემურ ყვითელაშვილისა და ქართული ესტრადის სხვა ვარსკვლავების მონაწილეობით კონცერტი მესხეთის თეატრის დარბაზში 18:00 საათზე დაიწყო. კონცერტში ადგილობრივი ფოლკლორული და ქორეოგრაფიული ანსამბლებიც მონაწილეობდნენ.

სპეციალურად დღევანდელი დღისთვის, ქორეოგრაფიულმა ანსამბლმა „ლომსიამ“ მესხეთის თეატრში შეკრებილი ქართველი და ებრაელი საზოგადოებისთვის, ქართულ–ებრაული ცეკვა შეასრულა.

შეგახსენებთ, რომ ახალციხეში ერთერთი უძველესი სინაგოგის იუბილესადმი მიძღვნილი ღონისძიებები 14:საათზე სინაგოგაში შუადღის ლოცვით დაიწყო. საიუბილეო ღონისძიებებს არაერთ ადგილობრივ სტუმართან ერთად, ებრაული დელეგაციები, მინისტრთა კაბინეტი და სხადასხვა რელიგიური კონფესიების წარმომადგენლები სტუმრობენ.



[ვარლამ წიკლაური, ახალციხე]