ერეკლე საღლიანი: ქართველი ებრაელობა მსოფლიო უნიკუმია

მწერალი ერეკლე საღლიანი, კომპოზოტორი ვაჟა აზარაშვილი და ქორეოგრაფი ფრიდონ სულაბერიძე მიიჩნევენ, რომ სინაგოგის იუბილეს აღნიშვნა ქართველებისა და ებრაელების მეგობრობის კიდევ ერთი დასტურია.

„ქართველი უბრაელობა ეს არის მსოფლიო უნიკუმი, ეს არის განსაკუთრებული მოვლენა მსოფლიო ისტორიაში, ნურავინ ნუ მიიღებს საწყენად, მაგრამ თვით ებრაელებიც კი გამორჩეული არიან ქართველების მიმართ. ძმობის, მეგობრობის, სიყვარულის ისეთი მაგალითი, როგორიც ქართველმა ებრაელებმა გვიჩვენეს, არავის უჩვენებია ქართველებისთვის“, – ამბობს მწერალი ერეკლე საღლიანი.



მას ეთანხმება კომპოზიტორი ვაჟა აზირაშვილი. მისი თქმით, ქართველებისა და ებრაელების 26–საუკუნოვანი ისტორია გრძელდება: „საქართველო არის ერთ–ერთი უდიდესი ტოლერანტული ქვეყანა. მიხარია, რომ წარმოშობით ახალციხელი ვარ და ამ ქალაქის საპატიო მოქალაქე. ამ დღეს ყველა ერთად ვზეიმობთ. ეს არის პატივისცემა რელიგიისადმი და ერთმანეთისადმი“.

ქორეოგრაფ ფრიდონ სულაბერიძის თქმით, წლების განმავლობაში ქართველები და ებრაელები კონფლიქტის გარეშე ცხოვრობდნენ.



„რელიგიური შეხლა–შემოხლა არასდროს ყოფილა. როგორც დები და ძმები, ისე მოვედით აქამდე, მთელი მსოფლიო გაკვირებულია ამაზე. საოცარი ურთიერთობების ისტორია გვაქვს“, – განაცხაცა ფრიდონ სულაბერიძემ.

შეგახსენებთ, რომ ახალციხეში ერთერთი უძველესი სინაგოგის იუბილესადმი მიძღვნილი ღონისძიებები 14:საათზე სინაგოგაში შუადღის ლოცვით დაიწყო. საიუბილეო ღონისძიებებს არაერთ ადგილობრივ სტუმართან ერთად, ებრაული დელეგაციები, მინისტრთა კაბინეტი და სხადასხვა რელიგიური კონფესიების წარმომადგენლები სტუმრობენ.

[sknews.ge]