სოზარ სუბარი: ებრაელებისა და ქართველების მეგობრობაში ახალციხის დიდი წვლილია

ლტოლვილთა და განსახლების მინისტრი სოზარ სუბარი, ახალციხეში, სინაგოგის იუბილესთან დაკავშირებით იმყოფება.

სოზარ სუბარმა საქართველოში ერთ–ერთი უძველესი სინაგოგის ეზოში შეკრებილ სტუმრებს სინაგოგის დაარსების 275 და განახლების 153 წლისთავი მიულოცა და ქართველი და ებრაელი ერების 26–საკუნოვან მეგობრობაზე ისაუბრა.

„მე მინდა მოგილოცოთ დღევანდელი დღე. ებრაელებისა და ქართველების მეგობრობაში ახალციხეს დიდი წვლილი მიუძღვის. დღევანდელი დღე კიდევ ერთი ნიშანია იმისა, რომ მეგობრობა, რომელიც დაიწყო 26 საუკნის წინ, კიდევ დიდხანს გაგრძელდება“, – განაცხადა სოზარ სუბარმა.
შეგახსენებთ, რომ დღეს, ახალციხეში, უძველესი სინაგოგის იუბილეს აღნიშნავენ.

საიბულეო ღონისძიებას 150–მდე ქართველი ებრაელი, მინისტრთა კაბინეტი, ცნობილი სახეები, ადგილობრივი ხელისუფლების წევრები და სხვადსხვა რელიგიური კონფესიების წარმომადგენლები ესწრებიან.

[თინათინ ზაზაძე, ახალციხე]