წყალდიდობა ადიგენში

დღეს, 29 მაისს, ძლიერმა წვიმამ და სეტყვამ ადიგენის მუნიციპალიტეტის რამდენიმე სოფელი დააზარალა, ადიდებულმა მდინარეებმა: კარხულმა და ოცხემ ადგილობრივების სახლები დატბორა. მდინარემ წაიღო სახნავ–სათესი სავარგულებიც.

სტიქიამ ადიგენის მუნიციპალიტეტის ექვსი სოფელი დააზარალა: აბასთუმანი, ვარხანი, უნწა, ქიქინეთი, წახანი და ბენარა.

ადგილობრივების განმარტებით ადიდებულმა მდინარე კარხულმა შინაური პირუტყვი გაიტაცა.

ადიგენის მუნიციპალიტეტის გამგეობაში განმარტავენ, რომ თვითმმართველობის წარმომადგენლები აღნიშნულ სოფლებში იმყოფებიან. ადგილზე მობილიზებულია სახანძრო–სამაშველო სამსახურის ბრიგადებიც.

ძლიერი წვიმა და სეტყვა ადიგენში დაახლოები14:15 საათზე დაიწყო და ამ დრომდე გრძელდება.






[თინათინ ზაზაძე, ადიგენი]