ადიგენის სოფლები ისევ დაიტბორა

უხვი ნალექი ადიგენში 20 ივნისს, საღამოს მოვიდა. დატბორილია ადგილობრივების სახლები და მიწის ნაკვეთები.

ადიგენის მუნიციპალიტეტის გამგეობაში აცხადებენ, რომ აღნიშნულ სოფლებში გაწმენდითი სამუშაოები უკვე დაწყებულია.

„ძლიერი წვიმა იყო, ახლა სალიკვიდაციო სამუშაოები მიმდინარეობს. იმ მასშტაბის არ იყო რაც 10 ივნისს, თუმცა რამდენიმე სახლი მაინც დაიტბორა“, – აცხადებენ თვითმმართველობაში.

შეგახსენებთ, რომ 10 ივნისს, საღამოს, ძლიერი წვიმის შედეგად მოვარდნილმა ხევებმა და ნიაღვრებმა ადიგენის ოთხი სოფელი დააზარალა: სოფელი აბასთუმანი, ვარხანი, ბენარა და უნწა.

მოვარდნილი ნიაღვრები ადგილობრივების სახლებსა და ნაკვეთებში შევარდა. ორი ოჯახის წევრებმა წყალდიდობას ვერ გამოასწრეს, საბედნიეროდ, არავინ დაშავებულა. სამაშველო სამსახურმა, ასევე, გარემოს დაცვის დეპარტამენტის თანამშრომლებმა, სახლში ჩარჩენილების გამოყვანა მოახერხეს. ვარხანში, გზის პირას მდებარე სახლების უმეტესობაში მოვარდნილმა ნიაღვრებმა პირველი სართულები და სარდაფები დატბორა. რამდენიმე სახლში მოინგრა სახლის კედლის ნაწილი და ღობეები.






[თინათინ ზაზაძე, ადიგენი]