მტკვარში გადავარდნილ მამაკაცს მეთორმეტე დღეა ეძებენ

ამ ეტაპზე სამძებრო სამუშაოები, უკვე შემთხვევის ადგილიდან თბილისის მიმართულებით მიმდინარეობს.

დღეს მაშველებმა, შემთხვევის ადგილიდან დაახლოებით ორ კილომეტრში მამაკაცის პერანგი იპოვეს.

„ვვარაუდობთ, რომ მტკვარში გადავარდნილის უნდა იყოს, თუმცა ჯერ დადგენილი არ არის“, - ამბობს აწყურის ტერიტორიული ორგანოს რწმუნებული ელგუჯა ჯვარიძე.

მისივე თქმთ, მდინარე ისევ ადიდებულია, რაც სამძებრო სამუშაოებს ართულებს.

შეგახსენებთ, ავტოსაგზაო შემთხვევა 15 მაისს, საღამოს მოხდა. სოფელ აწყურთან, ავტომობილი მდინარის ხეობაში ჩავარდა. „ნივის“ მარკის ავტომობილში სოფელ ზიკილიაში მცხოვრები ცოლ–ქმარი ისხდა. მანქანა წყალში ჩავარდგნისგან ხეებმა იხსნა, ქალი ავარიას გადაურჩა, მამაკაცი კი მდინარემ გაიტაცა.

მომხდარს შინაგან საქმეთა სამინისტრო, სსკ-ს 276-ე მუხლის პირველი ნაწილით იკვლევს. რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

[ლუბა გიორგაძე, ახალციხე]