მტკვარში გადავარდნილ მამაკაცს მეოთხე დღეა უშედეგოდ ეძებენ

ბორჯომისა და ახალციხის სამაშველო ბრიგადებმა, ასევე სოფლების ზიკილიისა და აწყურის მოსახლეობამ , მდინარეში ავტოსაგზაო შემთხვევის შედეგად გადავარდნილი კაცის ძებნა დღეს,18 მაისს, დილიდან ისევ გააგრძელეს.

ახალციხე- ჩითახევის მონაკვეთზე, რამდენიმე დღიანი უშედეგო ძებნის შემდეგ, მაშველები მამაკაცს ახლა ხაშურის მიმართულებითაც ეძებენ.

როგორც გამგებლის წარმომადგენელი აწყურის ტერიტორიულ ორგანოში „სამხრეთის კარიბჭესთან“ აცხადებს სამძებრო სამუშაოებს ადიდებული წყალიც ართულებს.

შეგახსენებთ, ავტოსაგზაო შემთხვევა 15 მაისს, საღამოს მოხდა. სოფელ აწყურთან, ავტომობილიმდინარის ნაპირას გადავარდა. „ნივის“ მარკის ავტომობილში სოფელ ზიკილიაში მცხოვრები ცოლ–ქმარი ისხდა. მანქანა წყალში ჩავარდგნისგან ხეებმა იხსნა, ქალი ავარიას გადაურჩა და მსუბუქი დაზიანებები მიიღო, მძღოლი კი მდინარეში ჩავარდა და წყლის ნაკადმა გაიტაცა.

მომხდარს შინაგან საქმეთა სამინისტრო იკვლევს.

[ლუბა გიორგაძე, ახალციხე]