სახურავგადახდილი კორპუსის ეზოს ნარჩენებისგან ასუფთავებენ

„კეთილმოწყობის“ თანმაშრომლებს ძირს ჩამოვარდნილი სახურავის ნარჩენები ეზოდან გააქვთ. სამაშველო სამსახური კი შენობაზე დარჩენილ სახურავისა და საწვიმრების ნარჩენებს ჭრის და ისიც გააქვთ ადგილიდან.

შეგახსენებთ, გუშინ, 23 მაისს, საღამოს, რვასართულიან კორპუსს ქარმა სახურავი გადახადა. შემთხვევის შედეგად არავინ დაშავებულა. გადავარდნილმა სახურავმა ეზოში მდგარი ავტომობილები დააზიანა. გადახდილი სახურავიდან წვიმა ჩავიდა მერვე და მეშვიდე სართულებზე მცხოვრებლებთან.

შემთხვევის ადგილზე გუშინვე მივიდნენ სამცხე–ჯავახეთის სამხარეო ადმინისტრაციის, ახალციხის მერიისა და გამგეობის წარმომადგენლები. მერიის ინფორმაციით, ზარალს დაითვლიან და დაზარალებულებს შეძლებისდაგვარად დაეხმარებიან.

გუშინვე, თამარაშვილის ქუჩის მიმდებარე ტერიტორიას დენი გაეთიშა. ელექტროენერგიის მიწოდება ამ დრომდე არ აღმდგარა.



[თინათინ ზაზაძე, ახალციხე]