სახურავგადახდილ კორპუსთან ადგილობრივი ხელისუფლების წარმომადგენლები მივიდნენ

ადგილობრივი ხელისუფლების წარმომადგენლები ამბობენ, რომ შეიქმნება სპეციალური კომისია, რომელიც სტიქიის შედეგებს შეისწავლის.

"ზარალს დავითვლით და ყველაფერი კარგად იქნება", – განაცხადა ახალციხის მერმა გიორგი კოპაძემ.

მერიის ინფორმაციით, შემთხვევის ადგილზე მობილიზებულია ყველა შესაბამისი სამსახური, მაქსიმალურად დაცულია უსაფრთხოების ზომები.

შეგახსენებთ, დღეს, 23 მაისს, დაახლოებით 19:40 საათზე, ახალციხეში, თამარაშვილის ქუჩაზე მდებარე რვასართულიან საცხოვრებელ კორპუსს, ძლიერმა ქარმა სახურავი ნაწილობრივ გადახადა. შემთხვევის შედეგად არავინ დაშავებულა.

ნარჩენები ეზოში მდებარე ავტომანქანებს დაეცა. სახურავის ნანგრევებში სამი ავტომანქანაა მოყოლილი.

შემთხვევის ადგილზე სახანძრო–სამაშველო ჯგუფი მუშაობს.

ამ დროისთვის აღნიშნულ კორპუსსა და მიმდებარე ტერიტორიას ელექტროენერგია არ მიეწოდება.

[ნინო ნარიმანიშვილი, ვარლამ წიკლაური, ახალციხე]