წნისში დაკარგულ მამაკაცს 19 დღეა ეძებენ

54 წლის მამაკაცი სახლიდან მიმდინარე წლის 31 ოქტომბერს, სოკოს საკრეფად გავიდა და აღარ დაბრუნებულა.

ახალციხის სამაშველო სამსახურის თანამშრომლები სამძებრო სამუშაოებში იმავე საღამოს ჩაერთვნენ. თუმცა, ამ დრომდე დაკარგულს უშედეგოდ ეძებენ.

„ხმელეთზე ყველა ადგილი ვნახეთ, მაგრამ არსად არ ჩანს. თბილისიდან მყვინთავებიც ჩამოვიდნენ, რომლებიც მდინარეში ეძებენ“, – ამბობს ახალციხის სამაშველო სამსახურის ცვლის უფროსი მამუკა ზუმბაძე.

[თამარ თოთაძე, ახალციხე]