სამცხე–ჯავახეთში უძველესი ჯიშის მესხური ვაზი გაშენდება

მესხური ვაზის ნერგები ახალციხეში, ვარძიაში, წუნდასა და უდეში გაშენდება, შემდეგ კი მათ რეგიონის მასშტაბით გაამრავლებენ.

ამ დროისათვის, მესხური ვაზის 400 ნერგი ვარძიისა და წუნდის ტერიტორიაზე უკვე დარგეს. სამუშაოები თმოგვისა და ნაქალაქევის სკოლის მოსწავლეებმა და ასპინძის ხელმძღვანელმა პირებმა ერთად შეასრულეს.

დაკარგული ვაზის ჯიშების აღდგენა მესხეთში საქართველოს საპატრიარქოსა და სოფლის - მეურნეობის სამეცნიერო–კვლევით ცენტრის შორის გაფორმებული ხელშეკრულების თანახმად მიმდინარებს.

მესხური ვაზის 1000–მდე ნერგი 13 მაისს, აწყურის ღვთისმშობლის მიძინების სახელობის ტაძარში ახალციხისა და ტაო–კლარჯეთის მიტროპოლიტმა, მეუფე თეოდორემ აკურთხა, რის შემდეგაც ნერგები 3 მუნიციპალიტეტში გადანაწილდა.

[თაკო ფეიქრიშვილი, ახალციხე]