მესხურ ტერასებზე ვაზის დარგვა იწყება

პრემიერს ასპინძაში 4 ივნისს 13:00 საათისთვის ელოდებიან. პირველ ნერგებს პრემიერ–მინისტრი და მესხური ტერასების პროექტის დამფუძნებლები ერთად ჩაყრიან.

მესხური ტერასების აღდგენით სამუშაოებს ორგანიზაცია „ვარძიის ტერასები“ 2014 წლიდან ახორციელებს. ამ დროისთვის დასრულდა 2–წლიანი სამუშაოების პირველი ეტაპი, ტერასები აღდგენილია 12 ჰა–ზე.

რეაბილიტირებულ ტერასებზე მესხური ვაზის 17 უიშვიათეს ჯიშს დარგავენ. ეს ჯიშები მესხეთში მოიძიეს. ორგანიზაციაში ამბობენ, რომ პროექტის განხორციელებას წინ უსწრებდა ვაზის მესხური ჯიშების შესწავლის პროცესი, რომლის დროსაც, საქართველოში არსებული 500-ზე მეტი ვენახის ჯიშისგან, 24 მესხური ჯიშის იდენტიფიცირება მოხდა.

მესხური ტერასების პროექტი „თი-ბი-სი“ ბანკის სამეთვალყურეო საბჭოს თავმჯდომარეს, მამუკა ხაზარაძეხ, სამეთვალყურეო საბჭოს თავმჯდომარის მოადგილეხ, ბადრი ჯაფარიძეს და „ვარძიის ტერასების“ დირექტორს გიორგი ნათენაძეს ეკუთვნის.

მთლიანობაში, მესხური ტერასები 23 ჰა–ზე აღდგება. პროექტის განხორციელებისთვის ნახევარ მილიონ ლარამდე ინვესტიციაა დაგეგმილი.

[თაკო ფეიქრიშვილი, ასპინძა]