ახალციხეში „დელტა ნეტის“ აბონენტებს ინტერნეტი არ მიეწოდებათ

კონკრეტულად რა ტექნიკური ხარვეზებია ინტერნეტის შეწყვეტის მიზეზი, ამაზე კომპანიაში არ საუბრობენ. თუმცა, იმას ადასტურებენ, რომ ექვს საათზე მეტია ინტერნეტის მიწოდება მთელ ქალაქშია შეწყვეტილი.

„ვიცით, რომ ტექნიკური ხარვეზებია, რა მოხდა და როდის აღდგება ინტერნეტი ამაზე ვერაფრს გეტყვით“, - ასე უპასუხეს „სამხრეთის კარიბჭეს“ კომპანიის ცხელ ხაზზე;

თუმცა, როგორც „დელტა ნეტის“ თანამშრომლები პირად საუბრებში გვიხსნიან, ცენტრალური მაგისტრალია დაზიანებული და მისი შეკეთება ამ დრომდე მიმდინარეობს. ინტერნეტის მიწოდება საღამოს მოგვიანებით აღდგება.

[ლუბა გიორგაძე, ახალციხე]