მსვლელობა თბილისში 'ოჯახის სიმტკიცის დღეს' [Photo]

ფოტო: ნეტგაზეთი

თბილისში ხატით მსვლელობა დაიწყო 12:00 საათზე ვარდების მოედნიდან სამების საკათედრო ტაძრისაკენ, სადაც ილია II გადაიხდის პარაკლისს.

საატრიარქოს ცნობით, მსვლელობა ორგანიზებულია საქართველოს ეკლესიის ახალგაზრდული ცენტრის „დავითიანის“ მიერ და მას აქვს მხოლოდ მშვიდობიანი და ლოცვითი დატვირთვა.

"სასურველია, რომ მრევლმა თან იქონიოს მაცხოვრის, ღვთისმშობლის და წმ. ანდრია პირველწოდებულის ხატები (ან რომელიმე მათგანი), რადგან წმ. ანდრია პირველწოდებული იესო ქრისტეს კურთხევით გამოაგზავნა ყოვლადწმინდა ღვთისმშობელმა საქართველოში და გამოატანა აწყურის ღვთისმშობლის სახელწოდებით ცნობილი თავისი ხატი, რომელიც ფიცარზე ღვთისმშობლის სახის მიდებით გამოისახა. ეს ხატი საუკუნეების მანძილზე დაბრძანებული იყო აწყურში და მისი სასწაულთმოქმედი ძალა და მადლი აქედან ეფინებოდა ჩვენს ქვეყანას", – ნათქვამია განცხადებაში, რომელიც ამ დღესტან დაკავშირებით საქართველოს საპატრიარქომ 14 მაისს გაავრცელა.


ფოტო: ნეტგაზეთი

[sknews.ge]