ადიგენში ფაშიზმზე გამარჯვების დღე 8 ვეტერანს მიულოცეს

ადიგენის მუნიციპალიტეტში დღეს, 9 მაისს მეორე მსოფლიო ომის ვეტერანებს ფაშიზმზე გამარჯვების 71 წლისთავი აღნიშნეს.

მუნიციპალიტეტის გამგებელმა ზაქარია ენდელაძემ და ადგილობრივი თვითმმართველობის თანამშრომლებმა, მეორე მსოფლიო ომის დროს გარდაცვლილ გმირთა მემორიალი ყვავილებით შეამკეს, მუნიციპალიტეტში მცხოვრებ 8 ომის ვეტერანს კი ტკბილეული გადასცეს და 50–50 ლარი ანგარიშზე ჩაურიცხეს.

გარდა აღნიშნულისა, ვეტერანებმა სახელმწიფოსგან საჩუქრად 600–600 ლარი მიიღეს.

გასული წლისგან განსხვავებით წელს ადიგენში ვეტერანებისთვის საზეიმო სადილი არ გამართულა.

მეორე მსოფლიო ომში სამცხე-ჯავახეთიდან 44 730 ადამიანი გაიწვიეს. ახალციხის მუნიციპალიტეტიდან კი, 10 538, მათ შორის სამი საბჭოთა კავშირის გმირი გახდა, ხოლო 2 500 შინ ვეღარ დაბრუნდა.



[sknews.ge]