ახალციხეში ფაშიზმზე გამარჯვების დღე აღნიშნეს [Photo]

ფაშიზმზე გამარჯვების დღის აღსანიშნავად, დღეს, 9 მაისს, 10:00 საათზე, მეორე მსოფლიო ომში დაღუპულთა მემორიალთან ღონისძიება გაიმართა.

ადგილობრივი თვითმმართველობის წარმომადგენლებმა მემორიალი ყვავილებით შეამკეს. რის შემდეგაც, ადგილობრივმა ქორეოგრაფიულმა და ფოლკლორულმა ანსამბლებმა საცეკვაო და სასიმღერო ნომრები შეასრულეს.

"ყველას ვულოცავ ფაშიზმზე გამარჯვების 73–ე წლისთავს. დღევანდელი დღე საქართველოს ისტორიის კიდევ ერთი მნიშვნელოვანი ფურცელია. რეგიონის მასშტაბით, ყველა ვეტერანს მოვინახულებთ", – განმარტა სამცხე–ჯავახეთის გუბერნატორმა კახა სამხარაძემ.

ამ დროისათვის, ახალციხის მუნიციპალიტეტის მასშტაბით ათი ვეტერანია. მათგან ოთხი ქალაქ ახალციხეში ცხოვრობს.

ფაშიზმზე გამარჯვების დღესთან დაკავშირებით, ახალციხის მუნიციპალიტეტის მერიამ, ათივე ვეტერანს, ფულადი ჯილდო – 400 ლარი და 900 ლარის ოდენობის ფასიანი საჩუქრები გადასცა.

სახელმწიფოსგან ვეტერანებმა 600 ლარი მიიღეს, მარჩენალ დაკარგულ ოჯახებს კი დამატებით 300 ლარი გადაეცათ.







[მარიამ ბარძიმაძე, ახალციხე]