ახალციხეში ფაშიზმზე გამარჯვების 69-ე წლისთავი აღნიშნეს

დანარჩენებმა საზეიმო ღონისძიებასა და შემდგომ მათთვის გამართულ სადილზე მისვლა ჯანმრთელობის მდგომარეობის გამო ვერ შეძლეს.

ვეტერანებმა მეორე მსოფლიო ომში დაღუპულთა მემორიალი გვირგვინებით შეამკეს. ღონისძიებას სამცხე–ჯავახეთის სამხარეო ადმინისტრაციისა და მუნიციპალიტეტის გამგეობის წარმომადგენლებიც ესწრებოდნენ. საქართველოს მასშტაბით ყველა ვეტერანი ცენტრალური ბიუჯეტიდან 400 ლარით დაასაჩუქრეს.

1 მაისის მონაცემებით სამცხე-ჯავახეთის მასშტაბით 135 ვეტერანი ცხოვრობს, აქედან, 30 ახალციხის მუნიციპალიტეტში.

სამცხე-ჯავახეთიდან სამამულო ომში 44.730 ადამიანი წავიდა, 6 საბჭოთა კავშირის გმირი გახდა, 400-ზე მეტი ორდენებითა და მედლებით დაჯილდოვდა. 18.302 უკან აღარ დაბრუნებულა.

რეგიონის მასშტაბით, ექვსივე მუნიციპალიტეტის მიხედვით მონაცემები ასეთია:
ადიგენიდან ომში 5.325 კაცი წავიდა, აღარ დაბრუნდა - 2.116;
ასპინძიდან წავიდა 4.000, აღარ დაბრუნდა - 2.000;
ახალციხიდან წავიდა 10.538, აღარ დაბრუნდა - 2.500;
ბორჯომიდან წავიდა 8.000, აღარ დაბრუნდა - 2.000;
ახალქალაქიდან წავიდა 12.389, აღარ დაბრუნდა - 5.514; ნონოწმინდიდან წავიდა 4.478, აღარ დაბრუნდა - 1.672;




[თინათინ ზაზაძე, ახალციხე]