რუსთაველის ქუჩაზე საკანალიზაციო სისტემა გაწმინდეს

„აღმოჩნდა, რომ პლასტმასის ვედრო იყო ჩაგდებული, რამაც გაჭედა მილი, შემდეგ შევიდა სამშენებლო ხრეში და ამოივსო. ეს ნაგავი არ მოხვდა შემთხვევით, ეს იყო სამშენებლო ხრეში“,– განმარტა „გაერთიანებული წყალმომარაგების კომპანიის“ სამცხე–ჯავახეთის ფილიალის ხელმძღვანელმა, გიორგი გრიგოლაშვილმა.

რუსთაველის ქუჩაზე, საკანალიზაციო სისტემა, რამდენიმე დღის წინ დაზიანდა, რის გამოც ფეკალური მასა ქალაქის ცენტრალურ ქუჩაზე ამოდიოდა.

„ჩვენი მანქანის სიმძლავრე საკმარისი არ აღმოჩნდა, ამიტომ გორიდან გამოვიძახეთ უფრო მძლავრი მანქანა. ორი მანქანით ვმუშაობდით 14:00 საათიდან და 12 აგვისტოს საღამოსვე დავასრულეთ სამუშოები“, –ამბობს გიორგი გრიგოლაშვილი.

რუსთაველის ქუჩაზე ასფალტს შპს „არალი“ აგებს, სამუშაოები რამდენიმე თვეა მიმდინარეობს.





[ნუკა სტეფნაძე, ახალციხე]