საყოფაცხოვრებო ნარჩენებით დაბინძურებული ქუჩები ახალციხეში [Photo]

კლდიაშვილის ქუჩა

"ხშირად ნარჩენებს დღეების განმავლობაში ვაგროვებთ და ველოდებით ნაგვის მანქანას, რომელიც კვირაში მხოლოდ ერთხელ მოდის. ჩვენს ქუჩაზე ერთი ურნა მაინც რომ იდგეს, უფრო გაგვიადვილდებოდა ცხოვრება“, – ამბობს კლდიაშვილის ქუჩაზე მცხოვრები მაია მოთიაშვილი.

ნიკოლაძის ქუჩა

„მთელი ქუჩისთვის დიდი პრობლემაა, როდესაც ქუჩაზე ერთი ბუნკერიც კი არ დგას. ‘პარკებით’ ვაგროვებთ ნაგავს, თუ ვინმე მანქანით მიდის, თან ვაყოლებთ, ზოგჯერ კი მთელი კვირა ველოდებით ნაგვის მანქანის გამოჩენას“, – გვეუბნება ლელა ჭაღიაშვილი, რომელიც ნიკოლაძის ქუჩაზე ცხოვრობს.

წიქვაძის ქუჩა

უბუნკერობა ემჩნევა წიქვაძის ქუჩასაც.

ივერიელის ქუჩა

მიუხედავად იმისა, რომ ივერიელის ქუჩაზე ნაგვის ურნა დგას, „ხელოვნური ნაგავსაყრელი“ აქაც მოუწყვიათ.


ახალციხის მერიაში ირწმუნებიან, რომ ყველა ამ ქუჩაზე ნაგავმზიდი კვირაში რამდენჯერმე მიდის და ნარჩენების გროვები ადგილობრივების დაუდევრობის ბრალია. რაც შეეხება ურნებს, მერიაში ადასტურებენ რომ ამ ეტაპზე ამ ქუჩებზე ბუნკერები არ დგას. მათივე განცხადებით, ყველა ამ ქუჩაზე ნაგვის ყუთებს გზის რეაბილიტაციის შემდეგ დადგამენ, თუმცა, როდის იგეგმება გზების კეთილმოწყობა, ჯერ გადაწყვეტილი არ არის.

[ეკა ბერიძე, ახალციხე]