გრიგოლ ხანძთელის ქუჩაზე ნაგვის ურნების დამატებას ითხოვენ

თითქმის ყოველდღე ასე გამოიყურება ახალციხეში გრიგოლ ხანძთელის ქუჩაზე ნაგვის ურნა, რომლითან ორი კორუსი და მიმდებარე დასახლების მოსახლეობა სარგებლობს. ადგილობრივები აცხადებენ, რომ ერთი ურნა საკმარისი არ არის. გარდა აღნიშნულისა ურნას სახურავი მოტეხილი აქვს, რის გამოც ძაღლები და კატები ნაგავს ძირს ყრიან და ფანტავენ.

„ორ კორპუსს ერთი ნაგვის ურნა როგორ გვეყოფა? სხვა ქუჩებიდან მოაქვთ ნაგავი და ჩემი სახლში მიყროლდება, ვერ გადამიყრია“, – აცხადებს გრიგოლ ხანძთელის N34 –ში მცხოვრები მოსახლეობა.

შპს „კეთილმოწყობაში“ განმარტავენ, რომ ქალაქის ტერიტორიაზე ახალი ნაგვის ურნების დამატება ახლო მომავალში იგეგმება.

„ტენდერი გვაქვს გამოცხადებული. 100 ურნის შეძენას ვაპირებთ, ქალაქის ქუჩებზე გადანაწილდება, მათ შორის აღნიშნულ ქუჩაზე“, – ამბობს შპს „კეთიმლმოწყობის“ სამსახურის დირექტორის დროებით მოვალეობის შესმრულებელი გიორგი ლონდარიძე.

[თინათინ ზაზაძე, ახალციხე]