ახალციხე–ახალქალაქის გზაზე ტრაილერი ამოტრიალდა [Photo]

შემთხვევა დღეს, 17 აპრილს, საღამოს მოხდა.თურქული ნომრებით მოძრავი სატვირთო ავტომობილი სოფელ რუსთავთან, ე.წ. ციმბირის მოსახვევში გადატრიალდა.

ავტომანქანაში ორი მამაკაცი იჯდა. ავარიის შედეგად ერთი მათგანი, ავტომობილის მძღოლი დაშავდა.სასწრაფო–სამედიცინო დახმარების ჯგუფმა დაშავებული კლინიკა ‘იმედში’ გადაიყვანა.

როგორც ‘სამხრეთის კარიბჭეს’ კლინიკაში უთხრეს, დაშავებული სავარაუდოდ ალკოჰოლის ზემოქმედების ქვეშაა. მის ჯანმრთელობის მდგომარეობას ექიმები ახლა იკვლევენ.

შემთხვევის ადგილზე მობილიზებულია საპატრულო პოლიცია, ასევე სახანძრო და სამაშველო სამსახური. ელოდებიან ევაკუატორს.

საქართველოს შინაგან საქმეთა სამინისტროს ინფორმაციით, მომხდარზე ძიება სისხლის სამართლის კოდექსის 276–ე მუხლის 1–ლი ნაწილით მიმდინრეობს. აღნიშნული მუხლი გულისხმობს ტრანსპორტის მოძრაობის წესის დარღვევას იმის მიერ, ვინც მას მართავს, რამაც გამოიწვია ჯანმრთელობის ნაკლებად მძიმე დაზიანება.







[ვარლამ წიკლაური, ახალციხე]