ივლიტასთან ავარიის გამო ერთი მოქალაქე დაშავდა [Photo]

შემთხვევა დღეს, 12 აპრილს, დაახლოებით 18:30 საათზე მოხდა. ერთმანეთს საპირისპირო მიმართულებით მოძრავი „ოპელისა“ და „ნისანის“ მარკის ავტომობილები შეეჯახნენ.

ავარიის შედეგად „ოპელის“ მარკის ავტომობილს მძღოლი დაშავდა. დაშავებული მამაკაცი სასწრაფო–სამედიცინო დახმარების ბრიგადამ "უნიმედი სამცხეში" გადაიყვანა. სასწრაფო–დახამრების სამსახურის ინფორმაციით, მას თავის არეში აქვს ჭრილობები, მდგომარება მძიმე არ არის.

ავარიის შედეგად ორივე მანქანა დაიმტვრა. ადგილზე მობილიზებული იყო საპატრულო პოლიციის რამდენიმე ეკოპაჟი და სახანძრო სამსახური.

საქართველოს შინაგან საქმეთა სამინისტროს ინფორმაციით, მომხდარზე ძიება სისხლის სამართლის კოდექსის 276–ე მუხლის 1–ლი ნაწილით დაიწყო. აღნიშნული მუხლი გულისხმობს ტრანსპორტის მოძრაობის წესის დარღვევას იმის მიერ, ვინც მას მართავს, რამაც გამოიწვია ჯანმრთელობის ნაკლებად მძიმე დაზიანება.









[ვარლამ წიკლაური, ახალციხე]