პოლიტიკოსების რეიტინგი NDI–ს კვლევის მიხედვით

კითხვაზე, რომელიც პოლიტიკოსი მოგწონთ ყველაზე მეტად, გამოკითხულთა 15% ამბობს, რომ მოსწონს დავით ბაქრაძე, 7%-ს მოსწონს ირაკლი ალასანია; 6%–ს - შალვა ნათელაშვილი, 5%-ს - გიორგი კვირიკაშვილი, 3%-ს - დავით სერგეენკო; ასევე 3%–ს მოსწონს ნინო ბურჯანაძე. 2–2 პროცენტს მოსწონთ გიორგი მარგველაშვილი, მიხეილ სააკაშვილი და დავით უსუფაშვილი. არცერთი არ მოსწონს 4%–ს, არ იცის 10%–მა და კითხვაზე პასუხი არ აქვს 28%–ს.

რაც შეეხება კითხვას, რომელი პოლიტიკოსი არ მოგწონთ ქართულ პოლიტიკაში, 4% ამბობს, რომ არ მოსწონს ბიძინა ივანიშვილი, 3% – 3% ამბობს, რომ არ მოსწობთ ეკა ბესელია, გიგა ბოკერია და გოგი თოფაძე. 2 –2 %–ს არ მოსწონს თინა ხიდაშელი, მიხეილს სააკაშვილი და ნინო ბურჯანაძე. ამ კითხვაზე პასუხი არ გასცა 16%–მა და 42%–მა არ იცის რომელი პოლიტიკოსი არ მოსწონს ყველაზე მეტად.

NDI საქართველოს ხელმძღვანელის ლორა თორნტონის განმარტებით, აქამდე ჩატარებულ კვლევებში ინტერვიუარები თავად სთავაზობდნენ რესპოდენტებს პოლიტიკოსების ჩამონათვალს, თუმცა ახლა რესპოდენტებს მოსაწონი და არ მოსაწონი პოლიტიკოსების დასახელება თავად შესთავაზეს.

[ნინო ნარიმანიშვილი, ახალციხე]