პარტიების რეიტინგი NDI-ს კვლევის მიხედვით

მათგან, ვინც არჩევნებში მონაწილეობას აპირებს, 27% ქართულ ოცნებას მისცემდა ხმას, 8% – ერთიან ნაციონალურ მოძრაობას, 3%– ევროპულ საქართველოს, 35% კი ამბობს, რომ არ იცის.



გამოკითხულთა 46% ფიქრობს, რომ ხვალ რომ ადგილობრივი თვითმმართველობის არჩევნები ტარდებოდეს, "ქართული ოცნება" გამარჯვებდა, 5% ფიქრობს, რომ გაიმარჯვებდა ენმ და 2% ფიქრობს ევროპულ საქართველოს.



გამოკითხულთა 21% ამბობს, რომ არასოდეს მისცემდა ხმას ერთიან ნაციონალურ მოძრაობას. 19% ამბობს, რომ ასეთი პარტია არ არსებობს, 14% კი ხმას არ მისცემდა ქართულ ოცნებას.

კითხვაზე, რომელი პარტია დგას თვენს შეხედულებებთან ყველაზე ახლოს, პასუხები ასეთია



საზოგადოებრივი აზრის კვლევა, ეროვნულ დემოკრატიული ინსტიტუტის (NDI) დაკვეთით, CRRC-საქართველომ დიდი ბრიტანეთის მთავრობის, UK aid-ის დაფინანსებით ჩაატარა. კვლევის საველე სამუშაოები 18 ივნისი -9 ივლისის პერიოდში მიმდინარეობდა საქართველოს მასშტაბით (ოკუპირებული ტერიტორიების გარდა). პირისპირ ინტერვიუს სახით, წარმომადგენლობითი შერჩევით 2 261 პირი გამოიკითხა. კვლევაში საშუალო ცდომილების ზღვარი არის +/- 2.2%.

საზოგადოებრივი აზრის კვლევის შედეგების მეორე ნაწილი დღეს, 27 ივლისს, გამოქვეყნდა.

[ნინო ნარიმანიშვილი, ახალციხე]