NDI: კანონი სიგარეტის აკრძალვის შესახებ მოსახლეობის უმრავლესობას მოსწონს

საქართველოს პარლამენტის მიერ დამტკიცებული კანონი, რომელიც ბარებში, რესტორნებსა და სხვა საზოგადოებრივი თავშეყრის ადგილებში სიგარეტის მოწევას კრძალავს, ძალაში 2018 წლის 1–ელი მაისიდან შევიდა. გამოკითხულთა 94%–მა ამის შესახებ იცოდა. 5%–ს კი სიგარეტის აკრძალვის შესახებ არაფერი სმენია.

რაც შეეხება კითხვას, სრულდება თუ არა კანონი სათანადოდ, კვლევის მიხედვით, მოქალაქეების 51% მიიჩნევს, რომ კანონი სათანადოდ სრულდება, 28%–ს კი მიაჩნია, რომ არ სრულდება.

კვლევის საველე სამუშაოები ჩატარდა 23 ივნისი-8 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) 2 409 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.
კვლევაში ცდომილების ზღვარი +/-1,9%-ია.

[sknews.ge]