პრეზიდენტის ადმინისტრაციის მიერ დაკვეთილი კვლევა: მარგველაშვილი - 43%, ბაქრაძე - 22%

ამერიკული კომპანიის „გრინბერგ, ქუინლან, როზნერ რისერჩის“ (Greenberg, Quinlan, Rosner Research) მიერ, პირისპირი ინტერვიუების გზით, საქართველოს მთელს ტერიტორიაზე 1204 რესპონდენტი გამოიკითხა. შერჩევითი ცდომილების ზღვარი +/-2,8 პროცენტს შეადგენს. კვლევა ტარდებოდა 15-21 სექტემბერს.

კვლევის შედეგებით, საპრეზიდენტო კანდიდატებს შორის ადგილები შემდეგნაირად ნაწილდება: 22% - დავით ბაქრაძე; 43%- გიორგი მარგველაშვილი; 8% -ნინო ბურჯანაძე; 5% -შალვა ნათელაშვილი; 1%- გიორგი თარგამაძე, 1% -კობა დავითაშვილი; 17% -ს ჯერ გადაწყვეტილი არ აქვს ვის მისცემს ხმას.

რაც შეეხება სხვა, ბოლო პერიოდში ჩატარებული კვლევის შედეგებს, „ქართულო ოცნების“ მიერ დაკვეთილი, საკვლევ-საკონსულტაციო ცენტრის „ფსიქოპროექტის“ კვლევის მიხედვით, რომელიც 16-23 სექტემბერს ჩატარდა, გიორგი მარგველაშვილს გამოკითხულთა 56,1% უჭერს მხარს; მეორე ადგილზე, 11,9%-ით, დავით ბაქრაძეა; მესამე და მეოთხე ადგილებს, კი, ნინო ბურჯანაძე - 9,5% და შალვა ნათელაშვილი - 3,0% იყოფენ.

ეროვნულ დემოკრატიული ინსტიტუტის (NDI-ს) კვლევის შედეგებით კი, 39% მარგველაშვილს უჭერს მხარს, 18% - ბაქრაძეს, 7% - ბურჯანაძეს, 3% - ნათელაშვილს და 3% - თარგამაძეს.

[sknews.ge]