"ფსიქოპროექტის" კვლევის მიხედვით, გიორგი მარგველაშვილი ლიდერობს

საკვლევ-საკონსულტაციო ცენტრ "ფსიქოპროექტის" მიერ ჩატარებული საზოგადოებრივი აზრის კვლევის შედეგების მიხედვით, მეორე ადგილზე, 11,9%-ით, „ერთიანი ნაციონალური მოძრაობის“ საპრეზიდენტო კანდიდატი დავით ბაქრაძეა, მესამე და მეოთხე ადგილებს, კი, ნინო ბურჯანაძე - 9,5% და შალვა ნათელაშვილი - 3,0% იყოფენ.

კოალიცია „ქართული ოცნების“ მიერ დაკვეთილი საზოგადოებრივი აზრის კვლევა 16-დან 23 სექტემბრამდე, საქართველოს 11 რეგიონში მიმდინარეობდა. შემთხვევითი შერჩევის მეთოდით 2201 რესპონდენტი გამოიკითხა. სტატისტიკური ცდომილების ზღვარი პლუს-მინუს 2,25%-ია.

კვლევის შედეგების თანახმად, არჩევნებში მონაწილეობის მიღებას რესპონდენტთა 88% აპირებს.

საკვლევ-საკონსულტაციო ცენტრ „ფსიქოპროექტმა“ მსგავსი კვლევა აგვისტოს დასაწყისშიც ჩაატარა. აგვისტოს მონაცემებით, პირველ ოთხ ადგილს მაშინაც მარგველაშვილი, ბაქრაძე, ბურჯანაძე და ნათელაშვილი იყოფდნენ. აგვისტოს პირველ კვირაში ჩატარებული კვლევის შედეგებით, გიორგი მარგველაშვილს მხარს უჭერდა,რესპონტენტთა 53,4%, დავით ბაქრაძეს 9,2%, ნინო ბურჯანაძეს 7,4% და შალვა ნათელაშვილს 4,0%.

[sknews.ge]