ხვალ ახალციხის რამდენიმე ქუჩას დენის მიწოდება შეეზღუდება

„ენერგო–პრო ჯორჯიას“ სამხრეთ საქართველოს ფილიალის საზოგადოებასთან ურთიერთობის სამსახურის წარმომადგენლის გიორგი ბალახაშვილის განმარტებით, ელექტროენერგიის შეზღუდვის მიზეზი ქალაქის რამდენიმე ქუჩაზე მიმდინარე სარეაბილიტაციო სამუშაოებია.

„500–მდე აბონენტს გაეთიშება შუქი. უსაფრთხოების დაცვის მიზნით გვთხოვეს, რომ გაგვეთიშა“, – ამბობს გიორგი ბალახაშვილი.

მისი თქმით, დენი გაითიშება მესხეთის, ჯაყელის, ახვლედიანის, დიდიმამიშვილის და რამდენიმე მიმდებარე ქუჩაზე.

[თინათინ ზაზაძე, ახალციხე]