სოფელ მინაძეში დენის მიწოდება დღის ბოლომდე აღდგება

„ენერგო-პრო-ჯორჯიას“ თანამშრომლებმა ელექტროსადენებზე ორდღიანი სარებილიტაციო სამუშაოები დაასრულეს.

„მხოლოდ ერთ ფიდერზე დაგვრჩა სადენები გადასაერთებელი, რამდენიმე საათში მოსახლეობას ელექტროენერგია ექნება“, - აცხადებს „ენერგო-პრო-ჯორჯიას“ სამხრეთ საქართველოს ფილიალის საზოგადოებასთან ურთიერთობის სამსახურის წარმომადგენელი გიორგი ბალახაშვილი.

შეგახსენებთ, რომ 23 მაისს ძლიერი წვიმისა და ქარის შედეგად, როგორც ქალაქში, ისე ახალციხის სოფლებში ელექტროენერგია 2500-მდე აბონენტს არ მიეწოდებოდა. გუშინ, 24 მაისს, უმეტესობას ელექტროენერგიის მიწოდება აღუდგა. დენის გარეშე სოფელ მინაძეში 60 აბონენტი იყო.

[ლუბა გიორგაძე, ახალციხე]