ბორჯომში ეგზოტიკურ ხე–მცენარეებს დარგავენ

ბორჯომის მუნიციპალიტეტის გამგეობის მიერ გავრცელებული ინფორმაციით, გუშინ, 1 აპრილს, ბორჯომის საკრებულოს გარემოს დაცვის აგრარულ საკითხთა კომისიის ინიციატივით, „საზოგადოებრივი დარბაზისა“ და არასამთავრობო ორგანიზაციების წარმომადგენლებმა ქალაქში სკვერების რეკონსტუქციასა და გამწვანებაზე იმსჯელეს. შეხვედრა, მუნიციპალიტეტის გამგეობის შენობაში გაიმართა.

საკრებულოს გარემოს დაცვის აგრარულ საკითხთა კომისიის თავმჯდომარის ივანე შალუტაშვილის განმარტებით, ქალაქის გამწვანების მიზნით ახალი, ეგზოტიკური ხე-მცენარეების დარგვა იგეგმება. ამ ეტაპზე ბორჯომშიაღწერა მიმდინარეობს, იმის დასადგენად, სად უნდა ჩანაცვლდეს მცენარეები.



როგორც გამგეობის მიერ გავრცელებულ ინფორმაციაში ვკითხულობთ, გამწვანებით სამუშაოებში აქტიურ მონაწილეობას მიიღებენ სკოლის მოსწავლეები, ეკო კლუბების წევრები და საზოგადოების წარმომადგენლები.

„გარემოს დაცვის აგრარულ საკითხთა კომისიის წარმომადგენლები, სამოქალაქო სექტორის წარმომადგენლებთან და საზოგადოების სხვადასხვა ჯგუფებთან თანამშრომლობასა და შეხვედრებს მომავალშიც გააგრძელებენ“, – ნათქვამია გავრცელებულ განცხადებაში.



[sknews.ge]