გარემოს დაცვის საერთაშორისო დღე ახალციხეში დასუფთავების აქციით აღნიშნეს

ახალციხის მუნიციპალიტეტის გამგეობისა და საკრებულოს თანამშრომლებმა საფარის მონასტერის მიმდებარე ტერიტორია დაასუფთავეს.

არასამთავრობო ორგანიზაცია "World Vision" –თან არსებულმა ახალგაზრდული კლუბის წევრებმა, კულტურის სახლებისა და სკოლამდელი აღზრდის დაწესებულებების წარმომადგენლებმა კი სოფლების ტერიტორიები დაასუფთავეს.

დასუფთავების აქცია ახალციხის მუნიციპალიტეტის კულტურის სამსახურის ორგანიზებით მოეწყო.

შეგახსენებთ რომ, 1972 წლის 15 დეკემბერს გაეროს გენერალურმა ასამბლეამ 5 ივნისი გარემოს დაცვის დღედ გამოაცხადა. ამ დღის აღნიშვნა მიზნად ისახავს ადამიანთა პასუხისმგებლობის გაცნობიერებას ბუნების მიმართ, გარემოს მდგრადი განვითარებისათვის ხელშეწყობას და გარემოს შენარჩუნებისა და გაუმჯობესებისათვის ბრძოლაში საზოგადოების აქტიურ ჩართვას.

მსოფლიო მასშტაბით, ღონისძიებაში მონაწილეობას 100 ქვეყანა და 10,000- მდე მოქალაქე იღებს.

[Sknews.ge]