ვინ გახდა კალიგრაფიის კონკურსის გამარჯვებული

გამგეობამ კონკურსი შოთა რუსთაველის საიუბილეო წლის ფარგლებში გამართა. შეგახსენებთ, იუნესკოს მიერ 2016 წელი შოთა რუსთაველის წლადაა გამოცხადებული.

კონკურსი მუნიციპალიტეტის საჯარო სკოლების მე–5 კლასის მოსწავლეებს შორის გაიმართა.

„კონკურსისთვის გამოვიყენეთ ვეფხისტყაოსნის აფორიზმები, რომლებიც დაეგზავნა მუნიციპალიტეტის ყველა სკოლას. სულ შემოვიდა 19 ხელნაწერი, საიდანაც 3 გამარჯვებული გამოვლინდა ნომინაციაში "საუკეთესო ხელნაწერი" და ერთი გამარჯვებული, ნომინაციაში "მოხატული კალიგრაფია“, – განმარტავს ახალციხის მუნიციპალიტეტის გამგეობის კულტურის სამსახურის უფროსი მაია სხირტლაძე.


კონკურსის გამარჯვებული მაგდა ჩიტაშვილი

ნომინაციაში „საუკეთესო ხელნაწერი“ ადგილები ასე გადანაწილდა:

I ადგილი– მაგდა ჩიტაშვილი, ვალის N1 საჯარო სკოლა;
II ადგილი – მზია კაპანაძე, ანის საჯარო სკოლა;
III ადგილი– ნინო დვალიშვილი, აწყურის საჯარო სკოლა.

საუკეთესო მხატვრული წერის ნომინაციაში კი ვალის მეორე საჯარო სკოლის მოსწავლემ სალომე მღებრიშვილმა გაიმარჯვა.

კონკურსის ყველა მონაწილეს სამახსოვრო საჩუქარი გადაეცა. საპრიზო ადგილზე გასულებმა კი საჩუქრად „ვეფხისტყაოსანი“ და სიგელები მიიღეს.

ნომინაციაში „საუკეთესო ხელნაწერი“ გამარჯვებული ნამუშევრები:







ნომინაციაში საუკეთესო მხატვრული წერა გამარჯვებული ნამუშევარი:



[ეკა ბერიძე, ახალციხე]