ახალციხის თემში ‘ეტალონის’ გამარჯვებული შოთა გელაშვილი გახდა

ახალციხის მუნიციპალიტეტის სკოლებს შორის ეროვნული მედიაპროექტის შესარჩევი კონკურსი 9 მარტს, სამცხე–ჯავახეთის უნივერსიტეტის სააქტო დარბაზში გაიმართა. მასში თემის 31 საჯარო სკოლის 55 მოსწავლე მონაწილეობდა.

ინტელექტუალური ჩემპიონატის ფინალში ერთმანეთს სოფელ ჭვინთის, კლდისა და გურკელის საჯარო სკოლის მოსწაავლეები დაუპირისპირდნენ. ფინალური შეხვედრა დაძაბული აღმოჩნდა. გამარჯვება 27 ქულით სოფელ ჭვინთის საჯარო სკოლის მოსწავლეს, შოთა გელაშვილს ერგო. სწორედ შოთა იბრძოლებს საქართველოს მასშტაბით „ეტალონიმოსწავლის“ ტიტულის მოსაპოვებლად.

ღონისძიება ახალციხის მუნციპალიტეტის გამგეობის კულტურის სამსახურის ინიციატივით გაიმართა.ღონისძიების დასასრულს ინტელექტუალური შეჯიბრის ყველა მონაწილეს სამახსოვრო სიგელები გადაეცა.

შეგახსენებთ, რომ ქვეყნის მასშტაბით ეტალონში საქართველოს პირველობისათვის 2300-მდე მოსწავლე იბრძვის. ფინალური შეხვედრა თბილისში, 14 მაისს, სპორტის სასახლეში გაიმართება, სადაც საქართველოს „ეტალონი მოსწავლე“ გამოვლინდება.

[ვარლამ წიკლაური, ახალციხე]