ახალციხის მერიამ ნახატების კონკურსში გამარჯვებულები დააჯილდოვა

ახალციხის მერიამ ნახატების კონკურსი 20 მაისს გამოაცხადა და იგი ათი დღის განმავლობაში გაგრძელდა. კონკურსი 15 წლმადე მოსწავლეებისათვის სამ ნომინაციაში: ფერწერაში, გრაფიკასა და ილუსტრაციაში მიმდინარეობდა.

კონკურსში მონაწილეობა 140–მა მოსწავლემ მიიღო. საბოლოოდ კი 11 გამარჯვებული გამოვლინდა.

დათო ინასარიძე მეხუთე საჯარო სკოლის პირველი კლასის მოსწავლეა და მისმა ნამუშევარმა ფერწერის ნომინაციაში პირველი ადგილი დაიკავა - "მე ყვავილები დავხატე კონკურსისათვის. ძალიან მინდოდა მონაწილეობის მიღება, მიყვარს ხატვა".

კონკურსის გამარჯვებულებს ახალციხის მერიისგან სერტიფიკატები და სახატავი საშუალებები გადაეცათ.

გარდა ამისა, მადლობის სიგელები მიიღეს ახალციხის N4 და N6 საჯარო სკოლებმა, მათი მოსწავლეების კონკურსში აქტიური მონაწილეობისათვის.
ბავშვთა დაცვის საერთაშორისო დღისადმი მიძღვნილი ღონისძიებები 14:00 საათზე დაიწყო და 16:30 საათზე კონცერტით დასრულდება.





[მარიამ ბარძიმაძე, ახალციხე]