ექიმები ახალციხის საავადმყოფოდან ’ალდაგი ბისიაის’გასვლას ითხოვენ

შეგახსენებთ, რომ მას შემდეგ რაც ახალციხის რაიონული საავადმყოფო ”ალდაგი ბისიაის” შვილობილი კომპანია ”ჩემი ოჯახის კლინიკის” მფლობელობაში გადავიდა, საავადმყოფოში მომსახურების ტარიფები მკვეთრად გაიზარდა. შეიცვალა თანამშრომლების ანაზღაურების სისტემაც. 1 დეკემბრიდან კი მედ-პერსონალის შემცირება დაიწყო. პირველ ეტაპზე საავადმყოფო ყოფილი პოლიკლინიკის 14 თანამშრომელს, 4 უბნის ექიმსა და 10 უბნის ექთანს დაატოვებინეს.

- ’ალდაგი ბისიაიმ’ ძალიან ცუდი პირობები შემოგვთავაზა. ხელფასები მკვეთრად შეგვიმცირეს, მომსახურების ფასები კი გაზარდეს. მაგალითად თუ რეანიმაციის ერთ საწოლზე მართვით სუნთქვაზე ღირდა 240 ლარი, ახლა გახდა 600 ლარი. თუ აპარატის გარეშე ღირდა 140 ლარი, ახლა არის 500 ლარი. მაგრამ, ხელფასები თუ ჩვენ აქამდე გვქონდა 100 ლარი, ახლა გახდა 30 ლარი’, - განაცხადა ახალციხის სამდიცინო დაწესებულების რეანიმაციული განყოფილების გამგემ ამბროსი მოდებაძემ.

’უნიმედი სამცხე’ ახალციხის სამდეიცინო დაწესებულების ექიმები საავადმყოფოდან ”ალდაგი ბისიაის” გასვლას მოითხოვენ.

- ’როგორც ვიყავით სააქციო საზოგადოება, გვინდა ისევ ისე ვიყოთ, ჩვენი თავი ჩვენ გვეკუთვნოდეს. თუ ვერ შევძლებთ მუშაობას, მერე ჩვენ თვითონ წამოვალთ’, - ამბობს ამბროსი მოდებაძე.

ახალციხის სამედიცინო დაწესებულების ექიმი-პედიატრი, ინფექციონისტი ნესტან უშხვანი ამბობს, რომ თუ ასე გაგრძელდა საავადმყოფოში მუშაობა არცერთ ექიმს აღარ მოუნდება.

-’ეს რომ თავიდან ავიცილოთ, ამიტომ მოვიტანეთ ჩვენი გულის ტკივილი ”ქართულ ოცნებამდე”. თუ მხარს დაგვიჭერენ, მადლობლები ვიქნებით. ჩვენი მოთხოვნაა - შეწყვიტოს ’ალდაგმა’ უკანონო ქმდებები, - აცხადებენ ექიმები.

მათი ინფორმაციით საავადმყოფოში შემცირებები კიდევ მოსალოდნელია.

[თამარ თოთაძე, ახალციხე]