მამა ანთიმოზი: ‘მივცეთ მუსლიმებს საშაულება ცალკე სასაფლაო გააკეთონ’

ჭულეს მამათა მონასტრის წინამძღვრის, მამა ანთიმოზის განცხადებით, ის რაც დღეს, 29 თებერვალს, სოფელში მოხდა, სამწუხაროა. მისი თქმით, მუსლიმები ცალკე სასაფლაოს მოსაწყობად ტერიტორიას არასწორად ითხოვენ, რადგან სოფელში ნებისმიერი აღმსარებლობის ადამიანი ერთად უნდა დაიკრძალოს.

„რაც არ უნდა იყოს, სოფელში კაცი რომ შედის საცხოვრებლად, იმას დასაფლავება სჭირდება. შექმნილ ვითარებაში, გამოსავალს იმაში ვხედავ, რომ მივცეთ მუსლიმებს საშუალება ცალკე სასაფლაო გააკეთონ, ოღონდ იქ მერე მეჩეთი და სალოცავი არ უნდა ააშენონ“, – ამბობს მამა ანთიმოზი და ამატებს, რომ არაა ეკლესია იმის მომხრე, რაიმე შეხლა–შემოხლა და დაძაბულობა მოხდეს.

შეგახსენებთ, რომ სოფელ ადიგენში ქრისტიანებსა და მუსლიმებს შორის ვითარება დღეს, 29 თებერვლას დილიდან დაიძაბა. საღამოს კი კონფლიქტი ფიზიკურ დაპირისპირებაშიც გადაიზარდა. არიან დაშავებულები. შსს–მ მომხდარზე მოკვლევა დაიწყო.

[თამუნა უჩიძე, ადიგენი]