სკოლის დირექტორებთან სამუშაო შეხვედრები დაიწყო

მასწავლებელთა პროფესიული განვითარების ეროვნული ცენტრის ინფორმაციით, სამუშაო შეხვედრაზე განხილული იქნება ზოგადსაგანმანათლებლო სკოლის დირექტორის ფუნქცია-მოვალეობები სქემის ფარგლებში; ფასილიტატორისა და მასწავლებლის შეფასების ჯგუფის ფუნქცია-მოვალეობები;

შეფასებისა და მონიტორინგის ფორმები და მოდელები; ფასილიტატორისა და მასწავლებლის შიდა შეფასების ჯგუფის საქმიანობის შიდა მონიტორინგის გზები და საშუალებები; მასწავლებლის შეფასების ჯგუფის საქმიანობის მონიტორინგისა და შეფასების პროცესში წარმოქმნილი საფრთხეები და მათი თავიდან აცილების გზები; ასევე, სქემის მონიტორინგის დოკუმენტის შექმნა.

„რამდენადაც მასწავლებელთა შეფასებაში პირველად ჩაერთო სკოლა, მნიშვნელოვანია, რომ საპილოტე წელს სკოლის დირექტორებს მაქსიმალურად შეეწყოთ ხელი სქემის მიმდინარეობის მონიტორინგის განხორციელებისათვის აუცილებელი ცოდნისა და უნარების შეძენაში, რათა სკოლებში წარმატებით და ხარისხიანად განხორციელდეს სქემით გათვალისწინებული შეფასების პროცესი“, – აცხადებენ მასწავლებელთა პროფესიული განვითარების ეროვნულ ცენტრში.

[Sknews.ge]