დღის კითხვა: რატომ აშინებთ პედაგოგებს შეფასების ახალი სქემა [Video]

მთავარი → დღის კითხვა, ვიდეო 12.03.2015

რა აშინებთ მასწავლებელთა შეფასების სქემაში პედაგოგებს ყველაზე მეტად, რატომ არ მოსწონთ სქემა და რატომ უჩნდებათ კითხვები შეფასების სისტემის მისამართით.

მასწავლებლის შეფასების ახალი სქემა შემუშავებულია. თეორიული ცოდნის გარდა ამიერიდან მასწავლებლის პრაქტიკულ საქმიანობასაც შეაფასებენ. პრაქტიკოსი, წარჩინებული, მკვლევარი და მენტორი – ის ოთხი საფეხურია, რომელიც საჯარო სკოლის პედაგოგებმა კარიერული ზრდის პროცესში უნდა გაიარონ. შესაბამისად, განისაზღვრება ხელფასიც.

მასწავლებელმა შიდა და გარე შეფასება უნდა გაიაროს. შიდა შეფასება სკოლაში გაკვეთილზე დაკვირვებას გულისხმობს. დაკვირვება სკოლაში შექმნილმა მონიტორინგის ჯგუფმა უნდა აწარმოოს.

ახალი სქემის პრეზენტაცია ახალციხეში ორი დღის წინ შედგა. მასწავლებლებს სქემა განათლების მინისტრმა გააცნო.

„სამხრეთის კარიბჭე“ დაინტერესდა, რა აშინებთ ახალ სქემაში მასწავლებლებს ყველაზე მეტად.

როგორც გამოკითხვამ აჩვენა, ყველაზე მეტად პედაგოგებს შემფასებელთა ვინაობა, კვალიფიკაცია და ობიექტურობა–არაობიექტურობა აღელვებთ. გაცილებით შიშით ელოდებიან სქემის ამოქმედებას არაქართულენოვან სკოლაში, სადაც სერტიფიცირებული პედაგოგები არ ჰყავთ. მასწავლებელთა უკმაყოფილებას იწვევს ისიც, რომ კვალიფიკაციას ყურადღება აღარ ექცევა.

[თინათინ ზაზაძე, ახალციხე]