სოფელ ხევაშენში საქონლის სადგომში ხანძარი გაჩნდა

სოფელ ხევაშენში საქონლის სადგომში ხანძარი სახურავიდან გაჩნდა. როგორც ადგილობრივები ამბობენ, საქონლის გამოყვანა დროულად მოასწრეს და ამიტომ პირუტყვი არ დამწვარა. სოფელში ფიქრობენ, რომ ხანძარი დენის გაყვანილობებიდან თივას მოედო და სადგომი ამიტომ დაიწვა.

სახანძრო–სამაშველო სამსახურში აცხადებენ, რომ შემთხვევის ადგილზე დროულად მივიდნენ და ხანძრის ლიკვიდირებაც მალევე მოხერხდა.

"შემთხვევის შედეგად არავინ დაშავებულა, მეპაატრონეს პრეტენზია არ აქვს, ამიტომ გამოძიებაც არ დაწყებულა", – აცხადებენ საქართველოს შინაგან საქმეთა სამინისტროში.

[თამუნა უჩიძე, ახალციხე]