სოფელ ვარხანში საქონლის სადგომი დაიწვა

სოფელ ვარხანში, ხანძარი გუშინ, 20 აგვისტოს საღამოს გაჩნდა. ადგილობრივების თქმით, ხის ფიცრებისგან გაკეთებულ სადგომს ცეხლი სწრაფად მოედო და მთლიანად დაიწვა.

როგორც ადგილობრივები ამბობენ, ადგილობრივი აკაკი დემეტრაძის საქონლის სადგომი სოფლიდან მოშორებით იყო დაცეცხლი საცხოვრებლებზე არ გადასულა.

გამგებლის წარმომადგენელი სოფელ ვარხანში, იმედა მინაძე ამბობს, რომ ხანძრისას შენობაში არც პირუტყვი ყოფილა, – საძოვარზე იყო.
ცეცხლის ჩასაქრობად ადგილზე ადიგენისა და აბასთუმნის სახანძრო ჯგუფები მუშაობდნენ.

მომხდარზე ძიება სსკ–ს 187–ე მუხლით დაიწყო, რაც ნივთის დაზიანებას ან განადგურებას გულისხმობს. დამწვარი საქონლის სადგომი უკვე შეისწავლეს სმართალდამცველებმა.

[ლუბა გიორგაძე, ადიგენი]